Tsismis lamang ang report hinggil sa namumuong balasahan sa gabinete ng Duterte Administration.
Ayon ito kay Presidential Spokesman Ernesto Abella kasunod ng report na dalawang cabinet official ang umanoy posibleng maapektuhan nang ipatutupad na revamp ng Pangulong Rodrigo Duterte.
Sinabi ni Abella na ingay lamang at ispekulasyon ang naturang report at kaagad namang isasapubliko ng Palasyo kung magkakaruon ng balasahan sa gabinete.
Binigyang diin ni Abella na kung performance ang pagbabasehan maayos namang ginagampanan ng mga Cabinet Secretary ang kanilang tungkulin at normal lamang ang high at low sa mga ito.
Sa halip na pagtuunan ang pinalulutang na revamp ipinabatid ni Abella na marami pang mahahalagang bagay na dapat harapin ang mga opisyal ng gobyerno.
By: Judith Larino / Aileen Taliping
SMW: RPE
