Nakakita nang pagpapabaya sa seguridad si National Capital Region Police Office (NCRPO) Director Oscar Albayalde sa naganap na trahedya sa Central Park Tower Condominium sa Pasay City.
Sinabi ni Albayalde na mismong ang mga guwardya ang umaming wala sila sa kani-kanilang dapat na puwesto bukod pa sa walang nagmo-monitor sa CCTV area ng condominium.
Ayon kay Albayalde, kung may guwardya sa CCTV area, kaagad na makaka-responde ang mga ito lalo’t mag-isa lamang ang suspek na armado lamang ng kutsilyo.
Bukod ditto, kaagad din aniyang makakatawag sa pulis ang mga guwardya para ipabatid ang insidente kung kaagad nila ito na monitor.
Dahil ditto, ipinabatid ni Albayalde na pinag-aaralan na ng PNP – SOSIA o Philippine National Police – Supervisory Office for Security and Investigation Agencies ang parusang kakaharapin ng security agencies na nakatalaga sa condominium.
Tututukan din aniya nila kung mayroong sapat na bilang ng mga guwardya ang nagbabantay sa naturang condominium.
By Judith Estrada – Larino
