Walang nakikitang rason si Senate Blue Ribbon Committee Chair Richard Gordon para ipatawag sina Davao City Vice Mayor Paolo Duterte at asawa ni Davao City Mayor Sarah Duterte-Carpio.
Sa kabila ito ng pahayag ni Senador Antonio Trillanes na dalawang beses na nagtungo sa Customs ang bise-alkalde at limang beses naman si Atty. Mans Carpio.
Sinabi ni Gordon na ang problema ay walang naihaharap na ebidensya at testigo si Trillanes sa pagsasangkot kina Vice Mayor Duterte sa Davao Group na ma impluwensya sa Customs.
Makukumbinsi lamang aniya siyang ipatawag sina Vice Mayor Duterte at Atty. Carpio kung may maihaharap na testigo hinggil dito si Trillanes.
By Judith Larino / (Ulat ni Cely Bueno)
SMW: RPE
