Binisita ni Pangulong Rodrigo Duterte sa ikatlong pagkakataon ang mga tropa ng gobyerno sa Marawi City.
Sa pagkakataong ito humawak at nagpaputok na ng sniper rifle si Pangulong Duterte subalit hindi naman matiyak kung may tinamaan na miyembro ng Maute.
Kahit mapanganib ay pinilit magtungo ng Pangulo sa labas ng safe zone upang inspeksyunin ang pinsalang idinulot ng mahigit tatlong buwang bakbakan.
Inihayag ng Punong Ehekutibo na handa siyang mamatay para sa bayan at kailangan niyang ipakita ang kanyang suporta sa mga sundalo’t pulis na nakikipaglaban sa mga terorista.
Ang pagbisita ay ginawa ng Pangulo matapos mabawi ng mga tropa ng pamahalaan ang Grand Mosque na pinagkutaan ng mga miyembro ng ISIS-Maute.
By Drew Nacino / Photos via Aileen Taliping (Malacañang Reporter)
