Kakulangan sa oxygen o hangin ang nakitang dahilan ng DA o Department of Agriculture – Caraga sa kanilang isinagawang inisyal na pagsusuri sa pagkamatay ng mga bibe ng Butuan City.
Ayon kay DA Caraga Spokesperson Emilou Presilda, siksikan at sobrang dami na ng mga bibe sa kulungan ng mga ito.
Bukod dito, wala rin aniyang maayos na suplay ng tubig at kulungan ang mga namatay na bibe.
Sinabi pa ni Presilda, wala na rin ibang naitalang namatay na bibe matapos ang kanilang pagtungo sa nasabing farm.
