Umakyat na sa 419 ang nasawi sa mapaminsalang mudslides sa Freetown, Sierra Leone.
Ayon kay Tourism and Cultural Affairs Minister Sidie Yahya Tunis, maliban sa mahigit 400 narekober na bangkay, daan-daang iba pa ang hindi pa natatagpuan o missing.
Sinasabing mahigit 100 sa nabanggit na bilang ay mga bata.
Magugunitang bumigay ang dalisdis ng Mount Sugar Loaf kasunod ng walang tigil na pag-ulan na halos bumura na sa malaking bahagi ng Freetown.
Tinatayang 2,000 hanggang 3,000 indibiduwal rin ang napilitang lumikas sa mas ligtas na lugar dahil sa naturang trahedya.
By Gilbert Perdez
