Nagbukas ng dalawang bagong health care centers si Charlotte Hornets Owner NBA Superstar Legend Michael Jordan.
Layon nitong mabigyan ng maayos at abot kayang serbisyong medikal ang mga low income community sa Charlotte.
Naging emosyonal naman ang NBA legend sa grand opening ng Novant Health Michael Jordan Family Medical Clinic, kung saan sinabi nito na sinusuklian lamang umano niya ang komunidad dahil sa mga tulong at suportang ibinigay ng mga ito sa kanya.
Kasabay nito, inanunsyo ni Jordan na aabot sa pitong milyong dolyar ang kanyang inilaan para mabigyan ng access sa primary at preventive care ang mga kapus-palad na pamilya sa lunsod.
