Nanawagan si Senadora Grace Poe sa kompaniyang Uber Philippines na magpakumbaba at sumunod na sa atas ng LTFRB o Land Transportation Franchising and Regulatory Board.
Ito’y makaraang suwayin ng naturang TNC o Transport Network Company ang LTFRB matapos patawan ng suspensyon dahil sa patum-patong na paglabag.
Giit ng senadora, bagama’t nais man ng pamahalaan na ilayo mula sa perwisyo ang publiko, hindi dapat abusuhin ng Uber ang simpatiyang nakukuha nito mula sa mga parokyano nito.
Kasunod nito, nanawagan si Poe sa LTFRB na ikunsidera ang pagpapataw na lamang ng multa sa Uber sa halip na patagalin pa ang suspensyon laban dito.
