Humaharap ngayon sa mga panibagong reklamo ang aktor na si Richard Gutierrez.
Ito ay matapos na sampahan ng kasong kriminal ng Bureau of Internal Revenue (BIR).
Si Richard ay sinampahan ng kasong paglabag sa Article 172 at 171 ng Revised Penal Code dahil sa pagsusumite ng mga pekeng annual tax return at value added tax return noong 2012.
Maliban dito, inirereklamo rin ng BIR si Richard ng dalawang counts ng kasong perjury o paglabag sa Article 183 ng Revised Penal Code.
Ang mga nasabing reklamong isinampa ng BIR ay may kaugnayan sa P38.57-M na tax liability ni Richard sa taong 2012.
