Nagpaliwanag si Presidential Chief Legal Counsel Atty. Salvador Panelo hinggil sa hula niyang magbibitiw umano sa puwesto si Commission on Elections (COMELEC) Chairman Andres Bautista.
Paliwanag ni Panelo, kaya niya nasabi ang naturang hula dahil sa masalimoot umanong pinagdaraanan ng poll chief lalo’t nahaharap siya sa conjugal war sa kaniya mismong asawa.
Giit ni Panelo, napakasaklap aniyang lumabas pa sa publiko ang away ng mag-asawang Bautista dahil nadadamay ang pamilya nito gayundin ang institusyong pinamumunuan nito.
Kung pipiliin man ni Chairman Bautista na magbitiw sa puwesto, hindi ito nangangahulugang guilty siya sa alegasyon laban sa kaniya bagkus marahil ay nais na lamang nitong humupa na ang usapin.
