Wala pang dapat ikabahala ang mga Pilipinong may kaanak o mga nasa Guam.
Ito ang pagtitiyak ng DFA o DEaprtment of Foreign Affairs sa gitna ng banta ng North Korea na aatakehin ang Guam bilang sagot sa babala ni US President Donald Trump sa Pyongyang.
Ayon kay DFA Spokesman Assistant Secretary Robespierre Bolivar, batay sa kanilang natatanggap na report mula sa konsulado ng Pilipinas sa Guam ay normal pa rin ang pang-araw araw na buhay sa nasabing US teritory.
Hindi pa rin aniya, kailangan ang pagpapatupad ng ban sa mga Pilipinong magtutungo sa Guam.
Gayunman, pinayuhan ni Bolivar ang mga Pilipino sa Guam na patuloy na makipag-ugnayan sa konsulado ng Pilipinas at lokal na pamahalan ng naturang teritoryo ng Amerika para sa mga update sa sitwasyon.
“Ang ulat ng ating konsulado sa Guam ang buhay nila doon day to day ay normal, so huwag po muna tayong mabahala bagamat ganun ang sitwasyon, ang konsulado po ay bukas para mag-entertain ng phone calls at queries, ang payo lang po natin sa mga kababayan nating nakatira sa Guam ay patuloy tayong makipag-coordinate sa ating konsulado at lalo na sa local government ng Guam dahil sila po ang nakakaalam ng latest updates at sila ang makapagbibigay ng payo kung tayo ay nababahala.” Pahayag ni Bolivar
By Krista de Dios | Ratsada Balita Interview
