Posibleng magpatupad ng mas mahigpit na restrictions sa bansa dahil sa banta ng COVID-19 Delta variant ayon sa Malakaniyang.
Sinabi ni Presidential Spokesperson Harry Roque, na dahil napatunayan naman sa mga pag-aaral na talagang mas nakakahawa ang Delta variant, sa malamang ay kinakailangang muling ibalik ang ilang paghihigpit sa bansa.
Hindi naman idinetalye ni Roque ang kaniyang sinasabing posibleng paghihigpit muli na ipatutupad.
Ani Roque, nakatakdang magpulong ngayong araw ang Inter-Agency Task Force for the Management of Emerging Infectious Diseases (IATF) para talakayin at pag desisyunan ang nasabing usapin.
