Walang Filipinong naapektuhan ng magnitude 6.5 na lindol sa Sichuan Province, China.
Ayon sa Department of Foreign Affairs, patuloy na nakikipag-ugnayan ang consulate general ng Pilipinas sa mga Filipino Community sa China.
Ito’y upang matiyak na ligtas ang mga Pinoy sa nabanggit na lugar at magpaabot ng tulong sa mga posibleng naapektuhan ng kalamidad.
Inabisuhan naman ng D.F.A. ang mga Pinoy sa Sichuan na makipag-ugnayan sa consulate general sa Chongqing sa pamamagitan ng kanilang mga hotline.
Martes ng gabi nang tamaan ng malakas na lindol ang Sichuan na ikinasawi naman ng 7 katao at ikinasugat ng nasa 90 iba pa.