Kumpiyansa ang PDEA o Philippine Drug Enforcement Agency na nagkaroon ng sabwatan ang lahat ng mga sangkot sa ipinagbabawal na gamot kaya’t dapat silang kasuhan.
Ito ang inihayag ni PDEA NCR Director Wilkins Villanueva kasunod ng isinagawang pagdinig ng Senate Blue Ribbon Committee hinggil sa pagpasok ng mahigit P6-B halaga ng shabu sa BOC o Bureau of Customs.
Giit ni Villanueva, nakapagtataka aniyang mula kay Richard Tan o Richard Ken ang tinawag na packing list ng shipment na ibinigay ng China patungo kay Manny Li kung saan, laman nito ang mga cylinder o crates.
Ngunit bigla aniyang nawala sa listahan ang nasabing kontrabando nang magtungo na ito kay Kenneth Dong na ngayo’y isang malaking palaisipan para sa kanila.
