Pinamamadali na ni Senate President Pro-Tempore Ralph Recto ang pagbalangkas sa IRR o Implementing Rules and Regulations para sa batas na nagbibigay ng libreng matrikula para sa mga mag-aaral sa mga SUC’S o State Universities and Colleges.
Ayon kay Recto, hindi maipatutupad ang nasabing batas hangga’t walang IRR na nababalangkas hinggil dito kaya’t dapat masimulan na ang konsultasyon.
Kasunod nito, hinikayat naman ni Senadora Loren Legarda ang CHED o Commission on Higher Education na tutukan ang pagbuo sa IRR para maging epektibo na sa susunod na pasukan ang nasabing batas.
Makabubuti aniyang maging bahagi rin ng komite ang budget department upang matiyak naman mapag – lalaanan ng pondo ang pagpapatupad sa nasabing batas na kalalagda lamang ni Pangulong Rodrigo Duterte.
