Muling nakasungkit ng panalo si dating World Champion Brian Viloria sa katatapos lamang nitong non-title fight kay Omar Soto ng Mexico.
Saglit lamang ang itinagal ng laban matapos pabagsakin ni Viloria si Soto sa Round 1, sa Florentine Gardens, California sa Amerika.
Tatlong beses umiskor ng knockdown ang tinaguriang “The Hawaian Punch” sa unang round.
Itinigil ng referee ang laban sa oras na 2 minutes at 2 seconds matapos humalik sa canvass si Soto.
Ito na ang ika-apat na sunod na panalo at ikatlong knockout victory ni Viloria sa nakalipas na isang taon.
By Drew Nacino
