Nakatakdang mag-deliver ng sariling State of the Nation Address o SONA si Vice President Jejomar Binay.
Gayunman, nilinaw ni dating Cainta, Rizal Mayor Mon Ilagan, Spokesman ng United Nationalist Alliance, na hindi naman anti-SONA ang ilalatag ng Pangalawang Pangulo bagkus tatawagin itong True State of the Nation Address.
Ayon kay Ilagan, dadalo muna si Binay sa huling SONA ni Pangulong Noynoy aquino sa Batasan Pambansa, Quezon City, mamayang hapon upang maging basehan ng kanyang sariling ulat sa bayan.
Aminado naman ang tagapagsalita ng UNA na hindi pa nila mabatid kung kailan isasagawa ng Pangalawang Pangulo ang sarili nitong SONA na sesentro sa hinaing ng mga mahirap.
By Drew Nacino
