Ipinag-utos na ni PNP o Philippine National Police Chief Director General Ronald ‘Bato’ Dela Rosa ang dagdag-puwersa sa Ozamiz City matapos ang madugong raid sa tahanan ni Mayor Reynaldo Parojinog, Sr.
Ito ayon kay Bato ay para mapanatili ang kaayusan at kapayapaan sa buong lungsod.
Sinabi ni Bato na mabuti nang handa ang mga awtoridad kayat kailangang magsagawa ng checkpoints para maiwasan ang anumang kaguluhan na maaaring palabasin aniyang pagganti ng mga Parojinog na sa katotohanan ay posibleng pakana ng ibang grupo.
Ibinunyag ni Bato ang impormasyong nakuha niya na ang grupo ng Parojinog sakay ng dalawang malaking bangka ay patungong Ozamiz City kayat dapat maghanda ang mga otoridad bagamat tahimik naman sa Ozamiz City.
By Judith Larino
