Kakastiguhin ni MMDA o Metro Manila Development Authority Chairman Danilo Lim ang kanilang mga enforcers na nasasangkot umano sa katiwalian.
Ito’y matapos makarating sa MMDA ang sumbong na may ilang enforcers umano sila na naka-payroll o tumatanggap ng suweldo mula sa La Salle Greenhills sa San Juan City.
Kahapon, mismong si MMDA Spokesperson Celine Pialago ang nanguna sa pag-iinspeksyon sa nasabing lugar para imbestigahan ang nasabing impormasyon.
Pero sa halip na makumpirma ang sumbong, tumambad sa kaniya ang mga pasaway na motoristang nagbababa at nagsasakay sa mga hindi tamang lugar kahit pa may mga nakabantay na enforcer mula sa ahensya.
- Jaymark Dagala
