Iginiit ng tagapagsalita ng INC o Iglesia ni Cristo na walang katiwalian sa organisasyon.
Kasunod na rin ito nang pagsisiwalat ni Angel Manalo, kapatid ng punong ministro ng INC na si Eduardo Manalo na nauubo ang abuloy ng organisasyon hindi sa pagpapagawa ng mga kapilya.
Ayon kay Edwil Zabala, walang anomalya sa mga proyekto ng INC partikular na ang Philippine Arena na tinukoy ni Angel.
Ipinabatid ni Zabala na mayroong mahigit 800 bagong kapilya ng INC ang naipatayo sa loob at labas ng bansa simula pa noong 2011.
Binigyang diin ni Zabala na walang lugar sa Iglesia ni Cristo ang mga ayaw sumunod sa aral ng bibliya sa pagsasabi ng katotohanan.
Mahigpit ding pinasinungalingan ni Zabala ang paratang ni Angel na banta ng sanggunian sa buhay nila ng kaniyang inang si Tenny Manalo.
Inamin pa ni Zabala na apektado na ng kontrobersya ang kapatiran.
By Judith Larino
