Oil price hike ipinatupad ngayong araw

Inilarga na ng mga kumpanya ng langis ang panibagong umento sa presyo ng mga produktong petrolyo ngayong araw.

Siyamnapung sentimos (P0.90) ang itinaas sa presyo ng kada litro ng gasolina, animnapu’t limang sentimos (P0.65) naman sa kada litro ng diesel habang walumpung sentimos (P0.80) ang umento sa kada litro ng kerosene.

Alas-12:01 kanina nang ipatupad ng kumpanyang Flying V ang kanilang oil price adjustment habang alas-6:00 naman ngayong umaga susunod ang mga kumpanyang Jetti, Total, Phoenix Petroleum, Petron, Shell.

Ang panibagong oil price adjustment na ito ng mga oil companies ay bunsod pa rin ng paggalaw ng presyo ng langis sa pandaigdigang pamilihan.

By Jaymark Dagala   

Comments

comments