US gumawa umano ng diplomatic bullying laban sa Pilipinas

Panibagong kaso umano ng diplomatic bullying laban sa Pilipinas ang ginagawa ng Estados Unidos.

Ito ang inihayag ni Senator JV  Ejercito kaugnay ng   imbestigasyon ng U.S. Congress sa mga serye ng pagpatay sa ilallim ng  war on drugs ng Duterte Administration.

Ayon kay   Ejercito, isa itong ka-ipokritohan  dahil  kilala  ang  Amerika  sa paglabag  sa  karapatang  pantao para lang maisulong  ang  kanilang  interes.

Panghihimasok at paglapastangan anya  sa   soberanya ang pagpapa imbestiga ng U.S. Congress sa sinasabing  mga pag-abuso sa karapatang pantao sa ilalim ng giyera kontra iligal na droga ng administrasyon.

Iginiit ng Senador na paulit-ulit ng sinasabi ng gobyerno na inirerespeto nito ang karapatang pantao kahit  gaano ito ka-determinado na lutasin ang  malalang problema sa illegal  drugs  na sumisira sa buhay ng marami nating kababayan.

By: Drew Nacino  / Cely Bueno

Comments

comments