5 miyembro ng PSG na tinambangan ng mga NPA kinilala ng AFP

Kinilala na ng militar ang Limang miyembro ng  Presidential Security Group na nasugatan matapos tambangan ng nasa Isandaang miyembro ng New People’s Army sa Arakan, North Cotabato.

Ayon kay AFP-Eastern Mindanao Command Spokesman, Maj. Ezra Balagtey, agad isinugod sa ospital sina Staff Sergeants Arniel  Matunhay at Lisondra; Sergeant  Gerry  Torsar; Corporals Rodel Ledesma at Ayam Alia.

Papunta sana ang mga miyembro ng PSG sa Cagayan de Oro City mula Davao City para sa  pagbisita  ni Pangulong Rodrigo Duterte nang makita ang isang checkpoint na minamanduhan ng  armadong kalalakihan na naka-military uniform  na kalaunay natuklasang miyembro  ng N.P.A.

Samantala, isang rebelde naman ang napatay ng militar sa  inilargang  hot pursuit operations.

By: Drew Nacino / Aileen Taliping / Jonathan Andal

Comments

comments