PNP-SAF na nagbabantay sa NBP pagpapaliwanagin ng DOJ

Iimbestigahan ng Department of Justice ang mga SAF o Special Action Forces ng PNP na nagbabantay ngayon sa NBP o New Bilibid Prisons sa Muntinlupa City.

Ito’y makaraang lumutang ang ulat hinggil sa umanoy pagbabalik ng bentahan ng iligal na droga sa loob mismo ng pambansang piitan.

Ayon kay Justice Secretary Vitaliano Aguirre, posible aniya kasing nagkaroon ng familiarity ang mga inmate sa kanilang mga bantay kaya’t posible aniyang may ilang nasuhulan para makalusot ang ilang transaksyon.

Aminado ang kalihim na hindi niya batid kung magkano ang halagang sangkot sa suhulan, subalit may kutob si Aguirre na aabot ng Milyun-Milyong Piso ang nakapaloob dito.

By: Jaymark Dagala / Bert Mozo

Comments

comments