PNP Chief nagbabala laban sa mga duwag na pulis

Binalaan ni PNP o Philippine National Police Chief Ronald ‘Bato’ dela Rosa na tatanggalin ang mga duwag na pulis.

Ayon kay Dela Rosa, walang puwang sa kanilang organisasyon ang mga pulis na duwag at ugat ng kahihiyan.

Sinabi ng PNP Chief na dapat maging handa ang bawat pulis na magbuwis ng buhay at madestino saanmang panig ng bansa.

Binigyang diin ni Dela Rosa na hindi dapat isinusuko ng pulis ang kanilang mga baril sa mga rebelde nang hindi man lang lumalaban.

Matatandaang noong June 18 nang salakayin ng mga miyembro ng New People’s Army ang Maasin Police Station sa Iloilo kung saan nakulimbat ng mga rebelde ang labing isang (11) M-16 rifles nang walang kahirap-hirap.

By   Ralph Obina   

Comments

comments