Beniberepika na ng AFP o Armed Forces of the Philippines ang ulat na nakapuslit na palabas ng Marawi City ang terrorist leader na si Isnilon Hapilon.
Sa Mindanao Hour sa Malakanyang, sinabi ni AFP Spokesman Brig. General Restituto Padilla na nakarating na sa kanila ang nasabing ulat pero hindi pa ito napapatunayan.
Aniya, naniniwala ang AFP na hindi pa nakakatakas si Hapilon at nananatili pa rin sa loob ng Marawi City.
Inatasan na rin aniya ang Task Force Marawi para alamin ang katotohanan sa nasabing ulat.
By Krista De Dios | With Report from Aileen Taliping
