DOTr Usec for Aviation and Airports nag-resign

Nagbitiw na sa puwesto si DOTr o Department of Transportation Undersecretary for Aviation and Airports Roberto Lim, epektibo sa Mayo 31.

Ito ang kinumpirma nina Transportation Secretary Arthur Tugade at Undersecretary for Rails Cesar Chavez.

Si Lim ang ikalawang transportation official na aalis sa DOTr matapos magbitiw si Noel Kintanar dahil sa alegasyon ng conflict of interest.

Bago ang kanyang appointment bilang Undersecretary, si Lim ay nagsilbing country manager sa International Air Transport Association.

Sa panayam ng DWIZ kay Usec. Chavez sinabi nitong normal nang nangyayari sa kahit anumang sektor na may mga dumarating at umaalis na empleyado.

Aniya naghayag si Lim ng pagnanais na muling bumalik sa pribadong sektor.

Sinabi rin ni Chavez na naging maganda ang performance ni Lim sa ahensya na inilarawan nito bilang isang mabait, masipag at open-minded na empleyado.

 By Meann Tanbio  | AR | Ratsada Balita (Interview)  

Comments

comments