Gilas Pilipinas line-up para sa SEABA Championship inanunsyo na

Inanunsyo na ni Gilas Pilipinas Coach Chot Reyes ang line up ng Gilas Pilipinas na sasabak sa SEABA o Southeast Asian Basketball Association Championship sa susunod na buwan.

Bahagi ng Gilas Pilipinas team sina Calvin Abueva, Japeth Aguilar, Raymond Almazan, Andray Blatche, Junemar Fajardo at Jio Jalalon.

Pasok din sa Gilas line up sina Allein Maliksi, Roger Pogoy, Terrence Romeo, Troy Rosario, Jayson Castro at Matthew Wright.

Tennis

                           (Photo: Reuters)

Samantala, pasok na sa semi-finals ng Barcelona Open sa ika-sampung pagkakataon si Rafael Nadal.

Ito ay matapos pahiyain ni Nadal si Chung Hyeon ng South Korea sa straight sets.

Tila minani lamang ni Nadal ang laban sa South Korean partikular sa ikalawang set para makapasok sa semi-finals kung saan makakalaban nila si Karen Khachanov ng Russia o si Horacio Zeballos ng Argentina.

Una nang nag-qualify sa semi-finals si world number one Andy Murray na bahagya umanong nahirapang gibain si Albert Ramos Vinolas sa Monte Carlo Masters noong isang linggo.

By Judith Larino

Comments

comments