Hiniling ng pamilya ni Pinay drug convict Mary Jane Veloso kay Pangulong Rodrigo Duterte na magawaran na ng Executive Clemency ng Indonesia ang kanilang ka-anak.
Kahapon, bumisita ang ina ni Mary Jane na si Ginang Celia Veloso sa Malakaniyang upang makipagkita sana sa Pangulo ngunit nabigo.
Sinamahan si Ginang Veloso ng grupong Migrante International kung saan, ipinaraan na lamang ng palasyo kay Presidential Adviser on OFW Concerns Sec. Abdullah Mamao.
Apela ni Ginang Veloso na maisama ang kaso ni Mary Jane sa mga agendang tatalakayin sa pagbisita sa bansa ni Indonesian President Joko Widodo bago ang nakatakdang ASEAN Summit.
By: Jaymark Dagala / Aileen Taliping
