Patuloy na makikiisa ang Pilipinas sa pagsisikap ng mga bansa sa buong mundo na labanan ang climate change.
Inihayag ito ni Presidential Spokesperson Ernesto Abella sa gitna ng international observance ng Earth Day ngayong araw.
Ayon kay Abella, makikiisa ang bansa sa mga ginagawang pagkilos upang maibsan ang epekto ng climate change kasabay ng pagprotekta naman ng ekonomiya
Una nang tinanggihan ng Pangulong Rodrigo Duterte ang paglagda sa Paris Agreement sa paniniwalang mahahadlangan nito ang pagunlad ng Pilipinas ngunit kinalunan ay niratipikahan din nito ang kasunduan.
By Rianne Briones
