BRP Gregorio Del Pilar nagpapatrolya sa West PH Sea

Naka-deploy ngayon sa West Philippine Sea ang mga barkong pandigma ng Pilipinas partikular na ang BRP Gregorio Del Pilar.

Ito’y ayon kay AFP o Armed Forces of the Philippines Spokesman Brig. General Restituto Padilla, bahagi ang ginagawang pagpapatrolya ng sub-routinely activities ng militar.

Paglilinaw naman ni Padilla, walang kinalaman ang deployment ng BRP Gregorio Del Pilar sa ginawang pagbisita ni Defense Secretary Delfin Lorenzana sa Pag-asa Island kahapon.

Layunin aniya ng nasabing pagpapatrolya ng barkong pandigma ng Pilipinas na bantayan ang teritoryo ng bansa at pangalagaan ang soberenya ng Pilipinas.

By Jaymark Dagala

Comments

comments