Nakubkob na ng militar ang isang kampo ng bandidong Abu Sayaf sa bulubunduking bahagi ng Basilan.
Ayon kay Lt/Gen. Carlito Galvez, commander ng Western Mindanao Command, partikular na nakubkob ng 6th infantry battalion ng army ang kuta ng ASG sa Barangay Cabcaban sa bayan ng Sumisip.
Tumambad sa mga sundalo ang tatlumpu’t walong bunkers o lagusan sa ilalim ng lupa at tatlong guard post sa loob ng kuta.
Nakarekober din ang tropa ng 3rd scout ranger battalion at ang civilian active auxiliary ng iba’t ibang kalibre ng baril, uniporme, bala at two way radio.
By: Jaymark Dagala
