Pinabulaanan ng Armed Forces of the Philippines maging ng Philippine National Police na nakonsulta sila ng National Housing Authority hinggil sa mga ipapatayong pabahay para sa mga pulis at sundalo.
Ayon kay Lt. Col. Leonido Yanson ng AFP housing board, ni hindi man lamang na-okupahan ng kanilang mga sundalo ang mga pabahay na laan para sa kanila dahil sa madalas aniyang nasa field ang mga ito.
Sinabi pa ni Yanson na nais munang ayusin ng kanilang mga tauhan ang mga nai-award na pabahay bago tirhan ng tuluyan ang mga pabahay na bigay ng gobyerno.
Una rito, sinabi ni Senador JV Ejercito na hindi angkop ang sukat ng naturang mga pabahay sa Pandi, Bulacan para tirhan ng higit tatlo katao.
By Ralph Obina
