Sumuko sa militar ang labing apat (14) na miyembro ng New People’s Army o NPA sa bayan ng Talacagon sa Agusan del Sur.
Ayon kay Armed Forces of the Philippines o AFP Eastern Mindanao Command Spokesperson Major Ezra, inamin ng mga sumukong rebelde na pagod na silang mamuhay sa bundok dahil karamihan sa kanilang mga kasamahan ay namamatay na sa pinaigting pa na operasyon ng militar.
Kasabay ding isinuko ng mga rebelde ang labing anim (16) na iba’t ibang klase ng armas.
Patuloy naman ang panawagan ng militar sa mga miyembro ng NPA na magbalik loob na sa pamahalaan upang makapamuhay ng normal.
—-
