Pangulong Duterte wagi sa TIME 100 Reader poll

Nanguna si Pangulong Rodrigo Duterte sa 2017 TIME 100 list ng world’s most influential people.

Sa artikulo ng TIME website, lumalabas na nakakuha si Duterte ng 5 porsyentong kabuuan na ‘yes’ votes sa survey na nagtapos nitong Linggo ng gabi.

Naging popular at kontrobersyal ang pag-upo ni Duterte bilang Pangulo ng Pilipinas dahil sa madugong kampanya nito kontra iligal na droga na umani ng pagbatikos mula sa mga human rights group at political leaders.

Samantala, kabilang din sa listahan sina Canadian Prime Minister Justin Trudeau, Pope Francis, Bill Gates at Mark Zuckerberg na nakakuha lahat ng 3% ng total “yes” votes.

Nakatakdang opisyal na ianunsyo ang TIME 100 list sa Abril 20.