Tinatayang 1,200 preso ang nakatakas mula sa Central Prison ng Taiz City sa Yemen.
Ayon sa mga otoridad, karamihan sa mga nakapuga ay mga hinihinalang miyembro ng teroristang grupong Al Qaeda.
Sinasabing daan-daang mga kasapi ng grupo ang sumalakay sa bilangguan sa Central Prison ng Taiz City dahilan upang makatakas ang mga bilanggo.
Subalit sinabi naman ng ilang local officials na kaya pumuga ang mga preso ay dahil sa matinding bakbakan sa naturang lungsod.
By Jelbert Perdez
