Sinasabing pinaghandaan at planado ang ginawang pagpatay kina Albuera Mayor Rolando Espinosa Sr. gayundin sa kapwa preso nitong si Raul Yap sa loob mismo ng kanilang selda noong isang taon.
Ito ang lumabas sa resulta ng imbestigasyon ng Senate Committee on Public Order and Dangerous Drugs gayundin ng Committee on Justice and Human Rights na siyang humawak ng imbestigasyon.
Nakasaad pa sa inilabas na committee report na guilty sa kaso ang CIDG o Criminal Invesitgation and Detection Group sa Region 8 na pinamumunuan ni Supt. Marvin Marcos.
Sinadya umano ang nasabing pagpatay upang i-cover up ang pagkakasangkot ng mga pulis sa talamak na kalakalan ng iligal na droga at pag-abuso sa kanilang kapangyarihan bilang alagad ng batas.
By Jaymark Dagala
