Hindi na ipinagtaka ng Malacañang kung ang mga drug lords ang magpopondo ng destabilisasyon laban kay Pangulong Rodrigo Duterte.
Kasunod ito ng ginawang pagbubunyag ni Senador Allan Peter Cayetano na mga druglords umano ang financier ng pinaplanong destabilisasyon laban sa pangulo.
Sinabi ni Chief presidential legal counsel Salvador Panelo, kalaban ng mga druglords ang pangulo dahil naapektuhan ang kanilang operasyon sa war on drugs.
Tiyak aniyang gagamitin nila ang lahat ng paraan para mahadlangan ang kampanya ng administrasyon.
Sinabi ni Panelo na apektado na ang illegal drug trade ng mga druglords kaya’t gumagawa na sila ng paraan kung paano makontra ang administrasyon.
By Aileen Taliping
