Inilipat na sa ibang detention facility sa Camp Karingal, Quezon city ang mga itiniwalag na miyembro ng Iglesia ni Cristo na sina Felix Nathaniel “Angel” Manalo at kapatid na si Lolita Hemedez maging ang dalawampu’t limang iba pa.
Ito’y matapos ihain ang kasong illegal possession of firearms makaraang mahulihan umano sina manalo ng mga baril at bala nang halughugin ng mga pulis ang INC compound sa tandang sora avenue, noong huwebes.
Batay sa sources, isinagawa ang inquest proceedings sa district public safety battalion sa halip na sa city prosecutor’s office para na rin sa seguridad ng mga respondent.
Matapos ipresenta kay assistant city prosecutor Nilo Peñaflor, dinala sina manalo sa criminal investigation and detection unit building.
By Drew Nacino
