Nagpasalamat at nanawagan si Environment Secretary Gina Lopez sa publiko na magkaisa para sa pangangalaga sa kalikasan.
Ito ang binigyang diin ng kalihim makaraang humarap ito sa kaniyang mga taga-suporta na nagrally sa harap ng senado.
Ngayon sana nakatakda ang confirmation hearing kay Lopez ng makapangyarihang commission on appointments ngunit hindi ito natuloy bunsod ng nangyaring balasahan sa senado.
Maliban sa mga taga-suporta, nasa senado rin ang mga grupong kontra sa kumpirmasyon ni Lopez ngunit agad itong pinigilan ng Senate Sergeant at Arms upang maiwasan ang girian.
By Jaymark Dagala |With Report from Cely Bueno
