Nakatakdang makipagpulong ang Department of Trade and Industry (DTI) sa National Bureau of Investigation o NBI bukas, araw ng Biyernes.
Ito’y upang ilahad ang mga ebidensyang nakalap ng DTI para patunayan na nagkaroon nga ng sabwatan sa pagitan ng mga flour millers at ng mga panadero.
Ayon sa DTI, Enero pa dapat bumaba ang presyo ng tinapay sa merkado dahil sa bumaba naman na ang presyuhan ng harina sa World Market ng hanggang 30 porsyento.
Batay sa kuwenta ng DTI, P2 piso ang dapat ibinaba sa presyo ng loaf bread habang P0.10 sentimos naman ang dapat na i-rollback sa kada piraso ng pandesal.
Sa monitoring din ng DTI, dapat mabili na lamang sa P715 hanggang P845 pesos ang kada sako ng harina sa lokal na merkado ngunit ibinebenta pa rin ito mula P880 hanggang P990 pesos kada sako.
By Jaymark Dagala
