Kumpiyansa ang CHR o Commission on Human Rights na magiging susi sa kanilang imbestigasyon ang pasabog ni Retired SPO3 Arthur Lascañas.
Ito ang inihayag ni CHR Chairperson Chito Gascon hinggil sa mga nangyaring patayan sa ilalim ng pamumunuo ni Pangulong Rodrigo Duterte noong alkalde pa lamang ito ng Davao City.
Ayon kay Gascon, pinalinaw lamang ni Lascañas ang mga naunang testimoniya ng ilang biktima ng DDS o davao death squad tulad ng naging pagpatay sa isang buntis gayundin sa pagpatay sa numero unong kritiko ni Duterte na si Jun Pala.
Mas mabigat ayon kay Gascon ang naging pahayag ni Lascañas nang aminin nito na siya mismo ang namuno sa DDS at nanguna sa mga nangyaring patayan.
By Jaymark Dagala
