Patay malisya ang Malakanyang sa lumabas na ulat na mayroong panibagong nilulutong kudeta laban kay Pangulong Rodrigo Duterte sa anibersaryo ng EDSA People Power 1 Revolution dahil sa isyu ng extra judicial killings.
Sinabi ni Presidential Spokesman Ernesto Abella na mas mainam na huwag pansinin ang mga kumakalat na balita at sa halip ay ipagpatuloy ang normal na takbo ng buhay.
Sari-saring grupo ang inaasahang dadagsa sa EDSA People Power Monument sa anibersaryo ng EDSA kabilang na ang sektor ng simbahan.
Bago ang EDSA People Power anniversary, mayroong hiwalay na aktibidad ang Catholic Bishops Conference of the Philippines na tinawag na ” walk of life” bilang pagtutol sa extra judicial killings at ang pilit na pagbuhay sa death penalty.
By: Mheann Tanbio / Aileen Taliping
