Bukas na ang puso ng aktres na si Maja Salvador na muling umibig.
Ayon sa dalaga kung may dumating man ay game siya sa pakikipag-date ngunit tila malabo pa aniya ito sa ngayon dahil super busy siya sa mga bagong proyekto.
Kabilang sa mga pagbibidahan ni Maja ang isang bagong teleserye at pelikula.
Sinabi din ng aktres na naka-move on na siya sa kanyang past relationship kay Gerald Anderson, aniya suportado niya ang bagong serye nito kasama ang kaibigang si Kim Chiu na ex din ni Gerald.
Idinagdag ni Maja na masaya siya para sa ‘Kimerald’ fans na naghintay nang matagal para sa muling pagtatambal ng dalawa.
Handa din umano siyang muling makatrabaho si Gerald sa isang proyekto.
Photo: Screengrab iammajasalvador / Instagram
