Mahigpit nang nirerepaso ang mga panuntunan sa pangingisda sa bahagi ng karagatang may overlapping ang maritime zones ng Pilipinas at Taiwan.
Sinabi ni Department of Foreign Affairs (DFA) Spokesman Charles Jose na seryoso ang usapin lalo’t nasa kasaysayan na ang katulad ng Balintang Channel kung saan isang mangingisda ang napatay ng mga tauhan ng Philippine Coast Guard (PCG).
Tiniyak ni Jose na malinaw na makakatugon ang law enforcement officials sa mga insidente sa dagat kung maisasaayos ang facilitated mechanisms.
Ayon naman kay BFAR Director Asis Perez, inihahanda na rin nila ang mahahalagang puntos na kailangan sa paghawak ng mga usapin hinggil sa pangingisda para hindi humantong sa overlapping at sigalot.
Kabilang sa panuntunan ang pagdakip, tamang pag-custody at pagpapauwi ng naarestong mangingisda.
By Judith Larino