Naglabas na ang Department of Justice ng immigration look out bulletin order laban sa pulis na pangunahing suspect sa pagdukot at pagpatay sa Koreanong Negosyanteng si Jee Ick Joo.
Sa tatlong pahinang kautusan na nilagdaan ni Justice Secretary Vitaliano Aguirre, isinailalim sa look out bulletin order si SPO3 Ricky Sta. Isabel na una nang nagpasailalim sa protective custody ng NBI.
Dahil sa bigat ng krimen, posible umanong tangkain ni Sta. Isabel na lumabas ng bansa.
Kaugnay nito, inatasan na ang lahat ng immigration officer na maging mapagmatyag sakaling makita si Sta. Isabel sa mga international airport at seaport.
By: Avee Devierte / Bert Mozo
