Nakatakdang isalang sa confirmatory drug test ang mga Baranggay Chairman na nagpositibo sa paggamit sa ilegal na droga.
Ayon kay Manila Mayor Joseph Estrada, ito ay matapos makita sa inisyal na resulta ng drug test sa mga opisyal ng baranggay na ilan sa mga ito na nagpositibo sa paggamit ng shabu.
Sinabi ni Estrada na sakaling makumpirma ang paggamit ng shabu ng mga opisyal ng baranggay, maaring maharap ang mga ito sa kasong paglabag sa Administrative Code of 1987 at Comprehensive Dangerous Drugs Act of 2002.
By: Katrina Valle / Aya Yupangco
