Sa harap ng balita na posibleng magkaroon ng reorganisasyon sa senado sa gitna ng mabagal na pag-usad ng panukalang BBL o Bangsamoro Basic Law, sinabi ni acting Senate Minority Leader Tito Sotto na hindi makasisigurong lulusot ang BBL kapag nagkaroon ng reorganisasyon sa senado.
Sinabi naman ni Senador Sonny Angara na sa tingin niya ay mananatiling independent ang senado.
Mahihirapan, aniya, ang anumang grupo o indibidwal na diktahan ang mga senador upang masunod lamang ang kanilang kagustuhan.
Maging si Senador JV Ejercito ay naniniwala na hindi papayag ang mga senador kahit pa sila’y kaalyado ng Palasyo na madiktahan ng sinuman para masiguro ang agarang pagpasa ng BBL.
Tiniyak ni Ejercito na kanyang bubusisiin ang sensitibo, kontrobersyal, at depektibong probisyon ng BBL.
By Avee Devierte | Cely Bueno (Patrol 19)