Umusbong ang word war sa pagitan nina Commission on Higher Education Commissioner Prospero De Vera at Chairperson Patricia Licuanan.
Ayon kay De Vera, idinidiin siya ni Licuanan bilang nasa likod ng tangkang pagpapalayas sa kanya sa pwesto.
Matatandaang iniutos ni Pangulong Rodrigo Duterte na huwag padaluhin sa mga pulong ng gabinete si Licuanan.
Binigyang-diin ni De Vera na wala siya sa bansa nang pagbawalan si Licuanan na dumalo sa cabinet meetings at hindi siya kailanman nanawagan ng pagpapababa sa pwesto sa pinuno ng komisyon.
Sa hiwalay na pahayag, sinabi ni Licuanan na kasabwat ni De Vera si CHED Executive Director Julito Vitriolo sa planong pagpapatalsik sa kanya sa pwesto.
By: Meann Tanbio
