Umapela ng tulong si Pangulong Rodrigo Duterte sa publiko upang salubungin ang bagong taon nang may determinasyon.
Ito ang laman ng New Year’s message ng Pangulo sa harap na rin ng mga ginagawa ng pamahalaan upang malinis ang bansa sa krimen, katiwalian at sa iligal na droga.
Hangad ng Pangulo ang mas magandang buhay para sa mga Pilipino kaya’t pinagsusumikapan niyang makahikayat ng mas maraming mamumuhunan upang hindi na kakailanganin pang umalis ng mga pinoy sa sariling bansa.
Sinabi pa ng Pangulo na tiyak na ang kaayusan, kaligtasan kapag naabot na ng pamahalaan ang 2 layunin nito para sa bayan.
Una nang sinabi ng Pangulo na wala na siyang hangad pa para sa kaniyang sarili, bagkus tanging ang kabutihan ng mga Pilipino na lamang ang kaniyang nais.
By: Jaymark Dagala
